Agüero: Do të luaj në derbi

Sulmuesi i Atletico Madridit Sergio Agüero është kthyer në mëngjesin e sotëm nga angazhimi i tij me Argjentinën dhe pavarësisht se ka pranuar se është i lodhur, ka thënë se do të jetë i gatshëm të luajë kundër Real Madridit të shtunën.
“Lodhja është gjithmonë një temë preokupuese për lojtarët, mirëpo është ngjashëm sikurse kur luajmë edhe në vikend edhe në mesjavë. Mbi të gjitha duhet të pushoj para derbit”, ka thënë numri dhjetë i Atleticos.

Sulmuesi ka mohuar se është i kthyer i lënduar dhe është zotuar se nesër do të jetë në fushë kundër rivalëve të kryeqytetit spanjoll.

“Tani jam duke menduar vetëm për ndeshjen e nesërme dhe shpresoj të fitojmë”, ka përfunduar argjentinasi.